Saregile emakumeen etxeak amatasunak partekatzeko espazioa zabalduko du etzi. Hori horrela, 17:00etan bilduko dira Saregilen bertan, "infusio edo kafe bero baten ondoan", amatasunari buruz hitz egiteko. Gainera, bertaratzen direnak bakarrik edo beren haurrekin joan daitezke.
Amatasunak partekatzeko sortu duten espazioa talde autogestionatu batek antolatzen du. Bertan, amatasunaren bizipenak partekatzeko edota besteen iritziak entzuteko eta galderak egiteko espazio ireki bat sortu dute, emakume eta ama guztiei zuzenduta.
Informazio gehiago eskuratzeko, herritarrek 623-17 85 53 zenbakira deitu edota saregile@orio.eus helbidera idatzi dezakete.