Etorkizuneko zaintza eredua diseinatzeko lanetan dabil Orioko Udala herriko hainbat eragilerekin elkarlanean urte hasieratik, eta zaintzari buruzko errealitatea jasotzen duen diagnostikoa esku artean, azken asteetan zaintza komunitateko hainbat sektorerekin ari da lanketa egiten: zaintzaile afektiboekin, gurasoekin, zaintzaile profesionalekin eta zainduak direnekin, zehazki esateko.
Datorren astetik aurrera egingo dituzte bilerak talde horiekin. Bilera guztiak Saregile emakumeen etxean izango dira.
Bilera horien aurretik, datorren asteartean, herritar guztiei zabaldutako saioa egingo dute, Orioko zaintza baliabideen mapa aurkezteko.
Honakoa da bilera guztien egutegia:
Azaroak 5, asteartea:
- 17:30. Orioko zaintza baliabideen mapa. Herritar guztientzat.
Azaroak 6, asteazkena:
- 15:00. Zaintzaile afektiboak.
- 17:00. Gurasoak eta adingabeen zaintzaileak. Zaintza zerbitzua egongo da Txurrumuskiren eskutik.
Azaroak 13, asteazkena:
- 12:00. Zainduak eta etorkizuneko zainduak. Nola zainduak izan nahi dugu?
- 15:30. Zaintzaile profesionalak.