Emeberhiru Bitxiak

Sormena erabilita, originaltasunarekin batera, ukitu pertsonala ematea dut nortasunaren ezaugarri, irudimenari ateak irekita.

Emeberhiru Bitxiak proiektua martxan jarri nuen eskulangintza betidanik gustoko izan dudalako. Bitxigintza zaletasuna nuen eta horrela eman nituen aurreneko pausoak, baina, gerora, bitxigintzako ikastaroak egin nituen, eta zaletasuna lanbide bihurtu zen. Nire proiektu pertsonala 2014. urtean jarri nuen abian, eta horretan buru-belarri dihardut gaur egun.

2017an ireki nuen denda eta tailerra biltzen dituen negozioa Zarautzen, eta hemen jarraitzen dut.

Horietaz aparte, beste artisauen eta sortzaileen lanak ere saltzen ditut dendan.