Larunbat arratsalde animatua antolatu du Graka Getariako musika kolektiboak: bi kontzertu eta DJ saio batez gozatzeko aukera izango dute herritarrek. 18:00etan hasiko da lehen kontzertua Katrapuna plazan, eta 22:00ak arte iraungo du festak.
Hain justu ere, arratsaldeari ekiteko, Braun taldeak bere disko berriaren aurkezpena egingo du, eta ondoren Garraio taldearen txanda izango da. Azkenik, i.ra.i DJak plaza girotuko du.