Getariako Gure Txeru elkartea herritarrei zuzendu zaie, eta batzordean parte hartzera animatu ditu. Izan ere, hainbat juntakidek kargua utziko dutela jakinarazi du elkarteak, eta, horregatik, jende berriaren bila ari dira.
Urtean zehar ekitaldi eta jarduera ugari antolatzen ditu Gure Txeruk Getarian: hala nola euskal pilotako ikastaro eta txapelketak, futbito txapelketa, euskal dantza ikastaroak, josteko ikastaroak, Olentzeroren etorrera...
Hori horrela izanik, batzordera batzeko interesa duten herritarrek txerugetaria@gmail.com helbidera mezua bidal dezakete. Zalantzak argitzeko ere bide bera erabil daiteke.