Getariako Arraun Elkarteak bazkari herrikoia antolatu du datorren larunbaterako, azaroaren 7rako. Elkarteak mende erdi bete duela eta, urte osoan zehar hamaika ekitaldi antolatu ditu herrian, eta, hain justu ere, bazkariarekin borobilduko dute ospakizun urtea.
Bazkariaz gainera, jarduera gehiago ere antolatu dituzte egun horretarako. Esaterako, goizean kirol erronka jokatuko dute, eta beste hainbat ekitaldi ere izango dira.
Hori horrela, bazkarira joan nahi dutenek Getariako Turismo Bulegoan eskura dezakete txartela, azaroaren 3ra arte. Txartel bakoitzaren prezioa 40 eurokoa da helduentzat, eta 15 eurokoa haurrentzat.