Salbatore jaietarako beroketa lanetan hasi dira gaur getariarrak, V. Herri Ginkanarekin. Eguraldi bikaina lagun dutela, haur, gazte zein heldu ugari ari dira mota guztietako jolasetan parte hartzen. Lehiakortasuna baino, lagunarteko giro ona ari da izaten nagusi.
15:00 aldera jaso dituzte parte hartzaileek antolatzaileen azalpenak, eta, jarraian, taldeetan banatuta, ekin diote ginkanari. Uretan zein lehorrean ari dira jolasean; besteak beste, zaku karreran, patinete lasterketan, futbolean, eskubaloian, dantzan eta abesten ari dira.