Bigarren Federazio Mailara egingo du jauzi Manex Aristi futbol jokalariak. 23 urteko erdilariak Gernika taldean jokatuko du 2026-2027 denboraldian. Gernikako taldeak 2021-2022 denboralditik Bigarren Federazio Mailan jokatzen du, eta pasa den denboraldian hamabigarren postuan geratu da ligako sailkapenean.
Pasa den denboraldian Lagun Onak azpeitiarrean jokatu du Aristik. Guztira 33 partida jokatu ditu Azpeitiako taldearekin, eta horietako 31tan hasierako hamaikakoan egon da. Gol bat sartzea ere lortu du getariarrak, eta zinez jokalari garrantzitsua izan da Azpeitiako taldearentzat. Gainera, Bigarren Federazio Mailara igoera fasea jokatu du Aristik Lagun Onak taldearekin.