Getariako Arraun Elkartearen 50. urteurreneko egitarauaren barruan, otsailean abiatutako hitzaldi zikloko bigarren saioa eskainiko dute bihar, ostegunarekin. Hain justu, "euskal itsas ondarearen azterketa eta horrek arraunarengan izan duen eragina aletzeko" elkartuko baitira Aitor Arregi Elkano jatetxeko sukaldari getariarra, Ibon Gaztañazpi arraunlari eta entrenatzaile ohi eta ETBko kazetari oriotarra eta Xabier Alberdi Donostiako Itsas Museoko zuzendari zientifiko zarauztarra. "Itsas kultur ondarearen apasionatuak dira hirurak, eta lotura egingo dugu arraunarekin eta Getariarekin".
Hala, ekitaldia arratsaldeko 18:30ean hasiko da Zarautz Jauregiko Talaia aretoan, eta sarrera doakoa izango da lekua bete arte.