Zazpi urteko lanen ostean, otsailaren 19an erakundeetako ordezkarien aurrean aurkeztu zuten Getariako Zarautz jauregiko Elkanoren mundubirari eskainitako espazioa. Hiru solairuk osatzen duten eremua dagoeneko zabalik dago publiko orokorrarentzat ere, eta horiei buruzko azalpenak eman ditu Haritz Alberdi Getariako alkateak. Haren esanetan, elkarlanean sortutako espazioa izan da, kontakizunen inguruko hausnarketa eskatu duena. Hainbat bisitariren iritzia ere jaso du Gukak.