Zeru beltzari kolorea jartzera atera ziren atzo getariarrak, eta kaleak mozorro koloretsuz bete zituzten. Euria eta hotza izan ziren protagonista nagusiak egun osoan zehar, baina horrek ez zuen beraien festarako gosea itzali.
Eguerdi partean hasi zuten inauterietako festa herrian, Sugarri txarangaren kalejirarekin. Arratsaldean, berriz, mozorro erromeria-festaz gozatu zuten, eta gerriak mugitu zituzten Gauargi taldearekin. Iluntzea heltzen hasi zenean, mozorro lehiaketako sari banaketa egin zuten, eta, ondoren, hasi bezala amaitu zuten eguna: Sugarri txarangarekin.
(Argazkiak: Arnaitz Rubio Aprea)