Haur masajea neurogarapenaren oinarri izenburupean, haurtxoentzat masaje tailerra antolatu du Getariako Udalak urtarrilaren 21erako, asteazkena. 0 eta 9 hilabete arteko haurrentzat eta haien gurasoentzat da bi orduko saioa, 17:00etatik 19:00etara, eta doan izango da, Zarautz jauregian.
Julene Armendarizek emango du tailerra, eta hainbat alor ikasiko dituzte partaideek: esaterako, nola gerturatu haurraren gorputzera; begiradaren garrantzia; nola lagundu masajearen bidez haurraren tentsioak askatzen; eta guraso eta haurraren arteko binkulu emozionala nola indartu.
Informazio gehiago eskuratu nahi duenak 634 40 61 58 telefono zenbakira deitu dezake.