Emakumeenganako Indarkeriaren Aurkako Nazioarteko Eguna da Azaroaren 25a, eta horren harira, hiru ekintza antolatu ditu Getariako Udalak. Batetik, Maialen Lujanbioren RR_6_erre(AH)ala errezitaldia eskainiko dute azaroaren 23an, igandearekin, eta sarrerak gaur bertan jarri dituzte salgai, hiru euroan, Turismo Bulegoan. Lujanbioren emanaldia Berdura Plazan izango da, 18:30ean hasita.
Bestetik, haurrentzako altxorraren bila saio berezia antolatu dute egun bererako, hau da, hilaren 23rako. Goizean izango da hori, 11:00etan hasita. Berdintasunaren gaia ardatz hartuta, ihes-gela egongo da Sahatsaga kiroldegian LH 5. eta LH 6. mailetako gaztetxoentzat. Izena Iturzaeta herri eskolan nahiz udaletxean eman daiteke, azaroaren 18a, asteartea, baino lehen.
Azkenik, abendu hasieran, LGTBIQ+ kolektiboari eta familiei zuzendutako aholkularitza saioa eskainiko dute. Berdindu elkartekoek emango dute arreta pertsonalizatua abenduaren 2an, asteartea, egun osoan zehar, Alondegian. Goizez 10:00etatik 13:00etara eskainiko dute informazioa eta aholkularitza, eta arratsaldean, berriz, 16:00etatik 19:00etara.
Informazio gehiago nahi duenak berdindu.gipuzkoa@euskadi.eus helbidera idatzi dezakete, edo telefono zenbaki hauetara deitu: 900-84 01 28 edo 688 76 98 65.