Herritarrek dagoeneko jaso ditzakete ibilgailuak aparkatzeko beharrezkoak diren pegatinak

Julene Frantzesena 2025ko mar. 18a, 17:48

Getaria.

Udaletxeko harreran edo Turismo Bulegoan eskuratu ahal izango dituzte eskaera egina duten herritarrek pegatinak. Bestalde, pegatinen eskaerak egiteko epea zabalduko dute martxoaren 31n.

Ibilgailuen gaineko zerga Getarian ordaintzen duten herritarrek horiek aparkatu ahal izateko beharrezkoa den pegatina eskura dezakete dagoeneko.

Udaletxeko harrera bulegoan jaso ahal izango dute astelehenetik ostiralera: astelehenetan, 09:00etatik 13:00etara ta 17:00etatik 19:00etara; asteartetik ostiralera bitartean, berriz, 09:00etatik 13:00etara.

Turismo Bulegoan ere jaso ahal izango dituzte herritarrek pegatinak, honako egun eta ordutegi hauetan: martxoaren 21ean eta 28an, 15:00etatik 18:00etara bitartean; eta hilaren 22an eta 29an, 10:00etatik 14:00etara.

Eskaerak ere bai

Bestalde, ibilgailuen aparkatu ahal izateko pegatina eskatu dezakete aparkamentu ordenantzaren arabera horren beharra duten ibilgailuen jabeek. Udaletxeko harreran egin ahal izango dute eskaera, martxoaren 31tik aurrera, astelehenetik ostiralera.

Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.


Izan Gukakide