Zarauzko Hondartzako Futbol Txapelketako bederatzigarren jardunaldia berezia izan omen zen, izan ere, partidetako bat Getariako Gaztetape hondartzan jokatu zuten lehendabizikoz. Larunbatean izan zen norgehiagoka eta bertan izan ziren Balearri-Astillero eta Asergroup taldetako jokalariak, eguraldia lagun zutela, herritarren eta jarraitzaileen babesa jasotzen.
Emaitzari dagokionez, Getariako taldeak lortu zuen garaipena, 3-1 emaitza eskuratuz. Hala eta guztiz ere, Zarauzko jokalariek aurrenekoz Getariara etorri eta "tratu bikaina" jaso zutela jakinarazi dute. "Bazkari eta hirugarren denbora ezin hobe batekin" eman zieten amaiera egunari.
Argazkiak: Artzape.