Lau autoren arteko istripua izan da gaur, asteazkena, 08:45 aldean, A8 autobidean, Getaria parean, Donostiako noranzkoan. Zarauzko ordainsaria baino lehenango dagoen tunela baino lehen jazo da ezbeharra. Ez da inor zauritu.
Istripua dela eta, auto ilara handiak sortu dira, baina dagoeneko erretiratu dituzte ibilgailuak errepidetik. Trafikoa normaltasunera itzuli da.