Getariako Gazte Asanbladak VIII. Pala Txapelketa Mistoa antolatu du otsailaren 15erako. Aurreko urteetan abenduan jokatu izan da lehiaketa hori, baina oraingoan pixka bat atzeratu dute fetxa.
Kontuak kontu, izena emateko epea zabalik dago, eta beti bezala, herriko frontoian jokatuko da txapelketa 10:00etan hasita, eta parte hartu nahi dutenek 10 euro ordaindu beharko dute bikoteko. Izena emateko aukera bezperara arte egongo da, hau da, otsailaren 14ra arte, eta hori telefonoz egin beharko da (Itsaso, 688 60 68 65 ).
Txapelketa amaitutakoan partaideentzat parrillada egongo dela jakinarazi dute antolatzaileek.