Getariako Mater itsasontziak gizon bat erreskatatu zuen ostegun gauean itsasoan, San Anton mendiaren atzealdean. Antza, taula txiki batekin San Anton mendiari buelta ematekotan sartu zen uretara, baina korronteak eraman egin zuen, eta gauerdian aurkitu zuten Mater itsasontzikoek, arrantza egitetik portura bueltan zetozela.
Soka baten laguntzarekin igo zuten itsasontzira, eta dirudienez, onik dago gizona.