Getariako eskailera mekanikoak zatika ari da berritzen Orona enpresa Getariako Udalaren eskariz. Aurreneko hobekuntza lanak duela hiru urte egin zituzten, eta orain, azken zatia berritzea tokatzen da, goiko partea.
Euririk ez bada astelehenean abiatuko dituzte lanak, eta udalak azaldu du ahal den neurrian lanak etenik gabe egingo dituztela, eskailerak ahalik azkarren berriz erabilgarri egon daitezen. 14.143,96 euroko aurrekontua du, eta lanek astebete irautea aurreikusi dute.