Arratsalde bikaina igarotzeko parada izan zuten atzo Errezilgo bizilagunek; izan ere, eguraldia lagun, Gipuzkoako Katapulta Tour zirkuituko bi kontzertu izan ziren Borondegiko terrazan. Batetik, Albaceteko Nuria Lopez Garcia konpositore eta gitarristak eskaini zuen Órbitas lanean oinarritutako emanaldia; bestetik, Kattalin eta Neufarrak taldeak Hubble bilduma plazaratu zuen. Hainbat lagun izan ziren Kulturaz kooperatibak antolatutako zuzenekoez gozatzen.
