Atzo, larunbata, San Miguel Rallysprinta automobilismo proba jokatu zuten Elgoibar eta Etxebarri (Bizkaia) artean, eta Aitzol eta Alazne Apalantza anai-arreba errezildarrak izan ziren txapeldun eta azpitxapeldun.
Aitzolek pilotu lanetan jardun zuen alboan Olatz San Miguel zuela, eta proba amaitu zuten 55 autoetatik azkarrena haiena izan zen, 21 minutu eta 28 segundoko denbora eginda. Alaznek, berriz, kopilotu jardun zuen, Aitor Saizarren alboan, eta 21 minutu eta 49 sengundoko denborarekin, bigarren denborarik onena eginda bukatu zuten proba.
Atzoko San Migel Rallysprintak bazuen berezitasun bat, gainera. Izan ere, soilik emakumeek antolatutako aurreneko automobilismo proba izan da. Eme eskuderiak izan du ardura hori, eta hain zuzen ere, Alazne Apalantza da eskuderia horretako kideetako bat.