San Pedro jaietan murgilduta ibili dira azken egunotan Beizaman, eta gaur, San Pedro egunez, egin dituzte festetako azken ekintzak. Goizean, trikitilariak ibili dira herria alaitzen, eta 12:00etan, meza izan da. 14:00etan, jubilatuek bazkaria egin dute, eta 18:00etatik aurrera, giro paregabea sortu du bingo musikatuaren bueltan.
Bingo musikatua aterpetxean dauden udalekuetako Bilboko Maddik irabazi du. Horrez gain, antolaketan eta ekintzetan parte hartu dutenen artean, Nekaturreko bonu bat zozkatu dute, eta irabazlea Amenabarko Iñaki izan da.
Jaiei amaiera emateko, afaria egin dute ostatuan, eta su festarekin borobildu dute iluntzea.
(Argazkiak: utzitakoak)