74 boto lortu dituzte Aurrena Beizama Bai herri plataformaren izenean udal hauteskundeetara aurkeztu diren bost zerrendakideek, eta PSE-EEk ez du botorik eskuratu. Ekainaren 17an osatuko dute udala, eta plataforman aurrez adostutakoaren arabera, Pedro Otaegik hartuko du alkate kargua. Udaleko bost jarlekuak herri plataformako kideek hartuko dituzte. Udal bozetara 111 herritar zeuden boza ematera deituta, eta horietatik 79k eman dute botoa, hau da, herritarren %71,17k; horrenbestez, abstentzioa %28,83koa izan da.
PSE-EEk eta Aurrena Beizama Baik aurkeztu dituzte hautes zerrendak Beizaman.
Foru bozei dagokionez, 80 herritarrek eman dute botoa, eta boz gehien EH Bilduk jaso ditu, 45. EAJk 32 boto lortu ditu eta Stop-ek hiru. Foru bozen kasuan, 110 herritar zeuden deituta boza ematera Beizaman, eta herritarren %72,72k eman dute botoa.