Domusa Teknik mendi lasterketaren antolatzaileek emakumeei zuzendutako hainbat saio antolatu ohi dituzte lasterketa egunaren aurretik, eta gaur, zapatua, ikasturteko bigarrena egin dute, igerilekuko aretoan. Normalean emakumeentzako mendi ibilaldiak egiten badituzte ere, gaur fisioterapia saioa eskaini du haientzat zoru pelbikoan aditua den Leire Mugikak. Hori hala, kirolaren eta zoru pelbikoaren arteko loturak eta beharrak landu dituzte parte hartzaileek.
Aurrena, kirolak zoru pelbikoan duen eraginaz hausnartzeko tartea zabaldu dute, bereziki, mendi lasterketek gorputz atal horretan zer eragin duen azaldu baitu Mugikak. Saioaren bigarren eta zati luzeenean, berriz, zoru pelbikoa lantzeko ariketak egin dituzte parte hartzaileek.
