Gipuzkoako Foru Aldundiak iragarri duenez, egonkortze lanak egingo dituzte Azpeitia eta Lasao arteko bidegorrian bihartik hilaren 30era bitartean. Lan horiek tarteko, itxita egingo dute bidegorria egun horietan guztietan. Hain justu, bidegorri horretako 10,850 eta 10,868 kilometro puntuen artean dagoen lur erauzketako ezponda egonkortuko du erakundeak.
Bidegorria 10,800 eta 10,900 kilometro puntuen artean moztuko dute. Egonkortze lanak amaitu bezain laster, bizikleta bidea erabilgarri utziko dutela iragarri du aldundiak.