Atzi, ostirala, hasi zen Organo Erromantikoaren Nazioarteko 27. Zikloa, Loiolako basilikan. Bi musikari azpeitiarren kontzertuak estreinatu du aurtengo zikloa; izan ere, Iraia Bereziartua biolin jotzaileak eta Itziar Urbieta organistak eskaini zuten emanaldia basilikan. XIX. eta XX. mendeetako hainbat konpositoreren –denak emakumeak– lanak interpretatu zituzten, hala nola Jeanne Demessieux, Johanna Senfter, Dora Pejacevic, Clara Schumann, Nadia Boulanger, Cecile Chaminaderen lanak.
Organo erromantikoaren nazioarteko zikloko hurrengo emanaldia, gaur, larunbata, da. 20:00etan, Azkoitiko parrokian. Miriam Hontana biolin jotzaileak eta Daniel Oiarzabal organista gasteiztarrak eskainiko dute kontzertua; Antonio Vivaldi, Modest Mussorgski, Johannes Brahms edo Ludwin van Beethoven konpositoreen obrak interpretatuko dituzte.