Wolfgang Amadeus Mozarten Requiem kontzertua eskainiko dute Errenteriako (Gipuzkoa) Andra Mari abesbatzak eta orkestrak larunbatean, irailaren 26an, 19:45ean hasita, Loiolako basilikan. Kontzertu berezi hori antolatu dute 1971. eta 1991. urteen artean antolatu izan zen Loiolako Nazioarteko Jaialdia gogoan.
![](https://ukt.tokikom.eus/<a href="/argazkia/519385"><img src="https:/ukt.tok-md.com/argazkiak/vsC/cache/BakarlariakAMA_tokikom_700x700.jpg"></a>)
Larunbateko kontzertuaren egitarauaren "ardatz nagusia" Requiem ospetsua izango dute, eta Andra Mari abesbatzak zein koruuak Andoni Sierraren zuzendaritzapean jardungo dute. Talde koralaz eta orkestraz gainera, bakarlariak ere igoko dira agertokira, honakoak izango dira horiek: Haizea Lorenzo sopranoa, Maria Izaga altoa, Aitor Garitano tenorra eta Hodei Iañez baxua. Emanaldiaren antolatzaileek musikazale denak gonbidatu dituzte larunbatean Loiolako basilikara, "Mozarten maisulana entzuteko aukera ezin hobea" izango delako.
Kontzertuaren antolatzaileek nabarmendu dutenez, Loiolako Nazioarteko Jaialdiak euskal musika koralaren eta kulturaren historian utzitako "aztarna sakona" izan zen: "Gure ondarearen eta errepertorio unibertsalaren arteko elkarrizketa ahaztezina eskaini zuen ingurune ezin hobean".