Tenisa beste ikuspegi batetik ezagutzeko aukera izango da irailaren 12an, 11:00etatik eta 13:00etara bitartean. Ordu tarte horretan Azpeitiko plazara bertaratzen direnek kirol egokituko bi modalitate probatzeko parada izango dute: gurpildun aulkiko tenisa eta ikusmen desgaitasuna dutenentzako tenisa.
Haur zein helduei zuzendutako sentsibilizazio jardunaldia da, kirol egokitua herrira hurbiltzea helburu duena. Kirolariei laguntzea xede duen Bepro fundazioak antolatu du ekimena.
Era berean, Zu barne proiektua ezagutzera emango dute, desgaitasunen bat duten pertsonak tenisera erakartzea xede duen sarea, hain zuzen ere. Azpeitiko Oñatz tenis kluba sare horretako kide da.