Badira oporretan atseden hartzea zer den ez dakitenak; Eider Bereziartua da horietako bat. Joan den ostiralean Santo Domingo de la Calzadako (Espainia) lasterketa batean parte hartu zuen azpeitiarrak, San Rokeko Milia deituriko lasterketa herrikoiaren bosgarren edizioan, eta bera izan zen emakumeetan azkarrena. 6 minutu eta 25 segundo behar izan zituen 1.609 metroko ibilbidea egiteko.
Lau kategoriatan banatuta, guztira 200 lagunek parte hartu zuten proba herrikoian, eta Bereziartua ez zen izan aurreko postuetan ibili zen azpeitiar bakarra. izan ere, Haritz Iturzaetak gizonetan hirugarren egin zuen.