Datorren asteburuan bi bidaia soilik egingo ditu lurrun trenak Azpeitia eta Lasao artean. Larunbata, abuztuaren 15a, jaieguna denez, 12:00etan aterako da trena Burdinbidearen Euskal Museotik, eta larunbatetan arratsaldean egin ohi duen bidaia ez du egingo. Dena den, herritarrek igandean ere izango dute trenean ibiltzeko aukera: 12:00etan izango da egun horretako hitzordua.
Udan ohi baino bidaia gehiago egiten ditu Azpeitia eta Lasao arteko lurrun trenak. Izan ere, asteburuetan ez ezik, astegunetan ere izango da joan-etorria trenez egiteko aukera: asteartetik ostiralera, 12:00etan eta 17:30ean aterako dira trenak museoko geltokitik. Gainera, ohiko gisan, zapatuetan eta igandeetan ere izango da trenean 4,5 kilometroko bidaia egiteko aukera: larunbatetan 12:00etan eta 17:30ean; eta igandeetan nahiz jaiegunetan, 12:00etan.