Julen Alonso musikari oriotarrak eta Villabonako Oinkari dantza taldeak emanaldia eskainiko dute irailaren 5ean, Soreasu antzokian, eta oraindik ere geratzen dira hitzordurako sarrera batzuk.
Kulturaz kooperatibak antolatutako ikuskizunean Haria diskoko abestiak eskainiko ditu Alonsok, Oinkariko kideen dantzak lagundu dituela. Kontzertua 19:00etan hasiko da, eta sarrerak honako lotura honetan eros daitezke, hemeretzi euroren trukean.