Jone Arriaranek eta German Aranburuk Algortako Dantza Suelto Txapelketa irabazi dute, nagusien mailan. Algortako (Bizkaia) dantza txapelketan lau bikotek parte hartu zuten, laurak Azpeitikoak. Bigarren postuan, Jone Aranberrik eta Beñat Mendizabalek egin zuten; hirugarren gelditu ziren Izaro Arandia eta Hegoa Aizpuru, eta laugarren, Elene Astiazaran eta Oier Arriaran.
Txapel ilada ederra irabazten ari dira aurtengoan Arriaran-Aranburu dantzari bikotea; besteak beste, Hondarribikoa, Estibalizkoa, Bidasoakoa, Leioakoa eta Zumarragako dantza txapelketak irabazi dituzte, Algortakoaren aurretik.