Auto baten eta moto baten arteko trafiko istripua izan zen maiatzaren 14ko goizaldean GI-631 errepidean, Enparain Gaineko bidegurutzearen inguruan, eta gertaera argitzeko lekukoen bila ari da Ertzaintza. Poliziak ohar bidez azaldu duenez, moto gidaria larri zaurituta eraman zuten istripuaren ostean ospitalera, eta handik egun batzuetara hil egin zen.
Ertzaintzak zehaztu duenez, trafiko istripu hari buruzko "edozein informazio" eman dezaketen lekukoak behar dituzte, eta herritarrak Gipuzkoako Trafikoko Lurralde Unitatearekin jar daitezke harremanetan, 943-53 91 25 telefono zenbakira deituta.