Udako aisialdian haurrek oso gogokoa duten gunea da Izarraizko Ateko ur txorroena, eta gaur arratsaldean irekiko ditu udalak. Beraz, uretan jolasean ibiltzeko beste aukera bat izango da herrian, izan ere ekainaren 1etik zabalik dago kanpoko igerilekua.
Gaur egungo ur txorroak irekita dauden bitartean, eremua handitzeko lanekin jarraituko dutela adierazi du udalak. Izan ere, aurreko txorroen ondoan, 16 metroko diametroko espazio berri bat egiten ari da. Eremu berri horretan txorroak, ur arkuak eta beste elementu dinamiko batzuk jarriko dtu udalak; denera, dozena bat. Udalak bi aste barrurako lan horiek bukatuta izatea aurreikusi du.