XJ Festa batzordeko kideek Resaka Eguna izena jarri zioten egitarauan gaurko egunari, eta batzuek resaka izango zuten arren, eguraldi ederrak lagunduta, jendetza elkartu da festetako azken egunean Sanjuandegin. 11:00etan hasita, artisauen azoka izan da Jose Antonio Agirre plazan, eta hainbat eta hainbat herritar animatu dira haien postuak ikustera eta produktuak erostera. Bestalde, dantzari txikiek emanaldia eskaini dute 11:30ean hasita, eta giro ederra sortu da haien bueltan ere; jende ugari bertaratu da saioa ikustera.
Arratsaldean izango dira Sanjuandegiko festetako azken ekintzak, Mantangorri berriro balkoira igo aurretik. Hona hemen egitaraua:
- 16:00. Zezena Jose Antonio Agirre plazan.
- 18:00. Herri kirol jaialdia.
- 19:45. Boletoen zozketa.
- 20:00. Mantangorriren agur ekitaldia.