Kilometroak 2024 jaia ospatuko da bihar Azpeitian, Azpeitiko Ikastola Ikasberri Kooperatibak antolatuta, eta Gukak jarraipen zabala egingo du jai egunaren bueltan. Hala nola, Kilometroen irekiera ekitaldiaren, giroaren eta ekintza ezberdinen berri emango du egunean zehar, bai irudi bildumen bidez, eta baita ikus-entzunezkoen bidez ere.
Halaber, astelehenean, Kilometroen egunaren errepasoa eskainiko du Gukak, ikus-entzunezko berezi batekin eta argazki bilduma zabalagoarekin.