Aurten XIX. urteurrena ospatuko du Azpeitiko Gaztetxeak, eta ospakizunetarako hitzorduak hilaren 19an eta 20an izango dira. Hilaren 19an futbito txapelketaren finalak jokatuko dituzte, eta hilaren 20an baltsa jaitsiera egingo dute. Dagoeneko zehaztuta dago baltsak egiteko gaia: Azpeitiko estereotipoak. Hilaren 20an izango da jaitsiera Urola ibaian. Gaztetxeko kideek parte hartzeko eta baltsak sortzen hasteko deia egin diete herritarrei.
Urtemugarako prestatutako egitarauaren berri laster emango du Gaztetxeak.