Euskaraldiaren helburua euskarari bultzadatxoa ematea dela aski dakite denek, baina hirugarren edizioarekin batera, Azpeitian bada berrikuntza nabarmen bat, Hikaldia. Toka, eta, batez ere noka sustatzeko asmoz sortua, 200 parte hartzailetik gora dira egitasmoan izena eman dutenak. Naiara Intxausti Azpeitiko Euskaraldiaren dinamizatzailearekin eta Itsaso Astigarraga egitasmoko parte hartzailearekin elkartu gara.
Urolako Komunikazio Taldeak (UKT) Euskaraldia dela-eta osatu duen Euskara arnas seriearen barruko ikus-entzunezkoetako beste bideo bat da honakoa. Datozen egunetan –Euskaraldiak irauten duen bitartean, egunero– UKTk eskualdeko hainbat euskaldunberriren elkarrizketak kaleratuko ditu, baita herritarren iritzi nahiz Euskaraldiko dinamizatzaileen balorazioak ere. Gainera, Urola Kostako Hitza egunkarian euskarari lotutako hainbat erreportaje irakurri ahal izango dira datozen asteetan.
Hona hemen orain arteko bideoak:
- Azpeitia: Carmen Calzas
- Zumaia: Esther Cruz
- Aizarnazabal: Eli Muñoz
- Aia: Jenny Ross
- Kale inkesta kostan
- Errezil: Alice Goffart