2017an bi herrien arteko harremana sendotzeko hainbat egitasmoa gauzatuko dute. Gaur aurkeztu dituzte lehendabizikoak: Lagun Onak MBk bi herriak oinez lotuko ditu urtarriletik ekainera bitartean, eta sansebastianetako umeen danborradan Hazparneko talde batek hartuko du parte.
Ezkerretik eskubira, Aitor Bereziartua, Aitor Unanue, Josu Izagirre eta Mikel Ibarzabal. (Uztarria.eus)
2017an beteko dira 30 urte Azpeitia eta Hazparne senidetu zirela eta, urteurren borobil hori "aitzakia bezala" hartuta, "senidetzari bultzada berria" ematea pentsatu dute bi herrietako ordezkariek. Hala adierazi du gaur, ostirala, Aitor Bereziartua Azpeitiko Udaleko zinegotziak, Mikel Ibarzabal zinegotziarekin eta Lagun Onak Mendi Bazkuneko Aitor Unanuerekin eta Josu Izagirrerekin emandako prentsaurrekoan.
Bereziartuak azaldu duenez, 2015eko irailean hasi ziren 2017ra begira lanean Azpeitiko Udala eta Hazparnen senidetzaren kontuez arduratzen den batzordea. "Bi herrietako kultur eta kirol taldeak harremanetan jartzen aritu gara, elkarlana sustatzeko eta zer antolatu dezaketen ikusteko". Horrez gain, industria, nekazaritza eta turismo arloetan ere "harremanak sendotzea" nahi dute, "sortu daitezkeen bideak ireki nahian". Urtemuga baliatuz "olatu handi bat sortu" nahi dutela esan du Bereziartuak, eta asmo horrekin aritu dira lanean 2016an.
Jarraitu albistea irakurtzen, Uztarria.eus-en.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide