Ibai alboko horma egonkortzeko lanak ari dira egiten Azpeitian

(Azpeitiko Udala) Duela egun batzuk hasi ziren Azpeitiko Loiolabide auzoan ibai ertzeko horma egonkotzeko lanetan. “Urola ibaiaren urteetako higadurak horma gastatu du, eta hondoratzen ari zen pixkanaka”, esan du Azpeitiko Udalak. Horregatik, horma eta lurra egonkortzeko lanak hasi ditu Udalak. Lan horien bidez, igerileku inguruan, ibaiko hormaren oinarria “sendotu eta indartuko” dute. Horren ostean, Etxebeltz ondoan hutsik dagoen lur eremua ere txukunduko dute.