Azkoitiko Latz tabernak hirugarren saria lortu zuen atzo, zapatua, Arrasateko Seber Altube plazan (Gipuzkoa) jokatu zuten Gipuzkoako IV. Tripaki Lehiaketan. Bi txapelketa jokatu zituzten han: harategiena, laugarren aldiz, eta taberna zein jatetxeena, bigarrenez.
Azkoitiko taberna horrek ostalarien kategorian parte hartu zuen, eta Izaskun Zubimendi sukaldariak prestatu zuen Latz tabernako tripakiak hirugarren saria eskuratu zuen. Kategoria horretan, Elgetako Haizea tabernak iazko garaipena errepikatu zuen, eta bigarren postua Arrasateko Ezkina tabernarentzat izan zen.
Zubimendik berak jaso zuen saria atzo, Latz tabernako Jon Ander Larramendi arduradunarekin batera.