25 xakelari nor baino nor jarri ditu Blitz Anaitasuna Kakute txapelketaren 30. edizioak gaur goizean Kultur Etxean. Blitz erako partidetan, jokalariek bost minutu baino gutxiagoko tartea izan dute jokaldietan, eta Azkoitiko txapelketan, jokaldi bakoitza egiteko hiru minutu eta bi segundo izan dituzte. 11:00etan ekin diote lehiari, eta guztira, zazpi partida jokatuko dituzte parte hartzaileek.
Herriko xakelariek gaurko txapelketarekin eta ondorengo bazkideen bilerarekin amaituko dituzte aurtengo ikasturteko lanak, herrian behintzat ez baitute jarduerarik izango abuztuan.