Iaz berreskuratu zuen Aizarnazabalek haurren danborrada, eta hasitako bideari jarraipena eman diote gaur, igandez. Sanmielen barruan egin dute haurren danborrada Aizarnazabalgo eskolako umeek eta gaztetxoek, eta gogotik astindu dituzte atabalak. Ikastetxetik udaletxe parera bidea egin ostean, udaletxe aurrean lau pieza eskaini dituzte, eta banderadunek balkoian astindu dituzte banderak. Danbor jotzaileekin batera atera dira kalera ikaslerik txikienak, otarreak eta bestelako hainbat erreminta eskuan hartuta. Eguraldi zoragarriak lagunduta, giro ederrean ospatu dute danborrada bigarren urtez jarraian.