Aizarnazabalgo San Migel jaien atarian, irailaren 18rako (ostirala) bertso jaialdia antolatu du Adiskide bertso elkarteak, Aizarnazabalgo Udalaren babesarekin. Saioan Aitor Mendiluze, Nerea Ibarzabal, Joanes Illarregi eta Iban Gorriti Beltza bertsolariek kantatuko dute, eta gaiak jartzen Igotz Alkorta ariko da.
19:30ean hasiko da bertso saioa Aizarnazabalgo plazan, eta euria egingo balu herriko pilotalekura aldatuko dute jaialdia.