Aizarnazabal Biziberritzen egitasmoko kideek bilera irekia deitu dute uztailaren 15erako, asteazkena (18:00). Adinekoen egoitza kanpoaldean egingo dute batzarra, eta bertan parte hartzera animatu dituzte herritarrak. Haiek azaldu dutenez, "herriaren etorkizuna denen artean eraikitzeko beharrari tiraka" antolatu dute asteazkeneko hitzordua.
"Badira hilabete batzuk barrura begira ibili garenak, eta horren arrazoiak zein diren azaltzea eta aurrera begirako asmoei buruz hitz egitea gustatuko litzaiguke", azaldu dute egitasmoko ordezkariek. Bilera horren bidez, herritarren artea kezka sortzen duten gaiak partekatzea, iritziak trukatzea eta elkarrekin irtenbideak bilatzea nahi dute.