San Kristobal Txiki eguna ospatu zuten atzo arratsaldean Aizarnazabalgo Saiatz auzoan. 17:30ean hasita meza izan zuten auzoko ermitan, eta ondoren elkarrekin meriendatu zuten.
Saiatz auzoko San Kristobal festa nagusiak uztailaren 10etik 12ra bitartean ospatuko dituzte. Uztailaren 11n (larunbata) egingo dute auzo afaria, 20:30ean, Euskal Parrilaren eskutik. Afarirako txartelak ekainaren 26tik uztailaren 5era egongo dira salgai Uztarri tabernan. Helduentzako txartelak 28 euro balioko ditu eta haurrenak 15 euro.