Astelehenean zendu zen Juan Aldalur Astubi trikitilaria, 75 urterekin. Atzo, asteartea, eman zioten azken agurra bere senide eta ingurukoek, Aizarnazabalen. Trikiti eta pandero doinuekin agurtu zuten, gainera, Astubi hainbat trikitilarik.
Garanada erreka inguruan jaio zen Astubi. Aho soinua jotzen hasi zen aurrena, baina geroago trikitia jotzen ikasi zuen, bere kabuz. Orduz geroztik, trikitiarekin gozatu zuen, eskualdeko hainbat erromeriatan parte hartuz. 1979ko Euskal Herriko Trikiti Txapelketan parte hartzeko aukera ere izan zuen.
(Argazkiak: utzitakoak)