Treba Gazteak programaren baitako hitzaldia izango da azaroaren 22an Aizarnazabalen. Fake news edo gezurrezko albisteei buruzko saioa izango da, 17 eta 24 urte arteko gazteei zuzenduta egongo da, eta Interedeko kideek eskainiko dute. Parte hartu nahi dutenek azaroaren 3rako eman beharko dute izena, lotura honetan dagoen formularioa beteta.
Lauburu eraikineko lehen solairuko aretoan izango da saioa, 11:00etan hasita, eta Aizarnazabalgo gazteek ez ezik, inguruko herrietakoek ere parte har dezaketela jakinarazi du udalak.