Danborrik eta txaparik gabe, txalapartarako bezala jarritako oholen kontra makilak astinduz, egin zuten atzo gauean Aizarnazabalen samielen atariko Euskal Jai Eguneko danborradarako lehen entsegua.
Gaztetxo, gazte eta heldu, hainbat herritarrek parte hartu zuten eskola azpiko saioan. Urteak joan dira Aizarnazabalen azken danborrada egin zutenetik eta, horregatik, entseguetan parte hartzeko dei berezia egin du udalak. Guztira lau entsegu saio antolatu dituzte; atzokoa eginda, hilaren 12an, 17an eta 19an izango dituzte besteak. Denak toki eta ordu berean izango dira: eskola azpian, 21:30ean.