IX. Sagardo Txapelketa antolatu dute hilaren 20rako Aizarnazabalen. Bederatzigarren edizio honetan, hamairu sagardotegik parte hartuko dute: Aburuzak, Akarregik, Alorreneak, Altzuetak, Añotak, Bereziartuak, Egi Luzek, Ekainek, Eulak, Gaztañagak, Izetak, Petritegik eta Urdairak jokatuko dute lehia, hain justu. 18:00etatik aurrera izango da sagardoaren bueltako festa.
Horrez gainera, herritarrek ere izango dute parte hartzaileen sagardoa dastatzeko aukera eta, edatekoarekin batera, askotariko pintxoak dastatu ahal izango dituzte. Festa giroa borobiltzeko, gainera, musika egongo da arratsaldean zehar.